AŞPA-da Azərbaycanlı məcburi köçkünlərinə dair qətnamə qəbul edib


Avropa Şurası Parlament Assambleyası (AŞPA) öz doğma ölkələrində silahlı münaqişə və şiddət nəticəsində məcburi köçkün düşən şəxslərin ehtiyacları və humanitar hüquqlarına dair qətnamə qəbul edib.

Azadpress.az xəbər verir ki, sənəddə Avropada 4 milyon insanın məcburi köçkün olduğu və onlardan 1,7 milyonunun Azərbaycan,Gürcüstan və s. payına düşdüyü qeyd edilib.

Sənəddə Dağlıq Qarabağ münaqişəsinə görə narahatlıq ifadə olunur, məcburi köçkünlərə humanitar sahədə göstərilən dəstək alqışlanır. Eyni zamanda münaqişə tərəfləri ATƏT-in Minsk Qrupu həmsədrlərinin 2017-ci il dekabrın 7-də təklif etdiyi Azərbaycan və Ermənistan xalqları arasında əlaqələrin bərpasına çağrılır.

Qətnamədə vurğulanıb ki, İnsan Hüquqları üzrə Avropa Məhkəməsinin qərarlarına müvafiq olaraq, məcburi köçkünlərə məxsus məhv edilmiş, yararsız hala salınmış, yaxud köçkünlük həyatı səbəbindən istifadə edilə bilməmiş əmlaklar ilə bağlı şəxsi və kollektiv müraciətlərə baxılmalıdır.

Sənədə azərbaycanlı deputatların təklifi ilə BMT-nin Təhlükəsizlik Şurasının 822 (1993), 853 (1993) və 884 (1993), həmçinin 1416 (2005) nömrəli qətnamələrinin sözləri də daxil edilib.Report


Saytdakı materiallardan istifadə edərkən istinad etmək vacibdir.