"Santa Barbara", Mehriban düşmən", "Qvadelupe", "Klon", daha sonralar "Aşka sürgün", "Fatmagülün suçu ne", "Binbir gece", "Aşk-ı memnu"... Bu seriallara bax-baxa neçə nəsil böyüyüb, neçə nəsil dünyasını dəyişib. Amma serialların həyatımıza, məişətimizə təsiri danılmazdır. Bəs paytaxt əhli seriallara baxırmı ? Sorğu nəticəsində bəlli oldu ki, seriala baxmaq məsələsində Bakı sakinləri 2 cəbhəyə bölünür. Üstünlük baxanların tərəfindədir (54 %). Sayı-hesabı bəlli olmayan seriallara baxanların böyük əksəriyyəti qadınlardır (74 %). Kişilər üçün seriallar o qədər də maraqlı deyil. Odur ki, güclü cinsin nümayəndələri seriallara baxmamağı üstün tutur (67 %). Serialsevərlər Türkiyə istehsalı olan "dizilər"i daha çox izləyir (72 %).

Yerli serialları izləyənlər təxminən 2 dəfə azdır (38 %).

Rusiya istehsalı olan seriallar da az səslə "uduzur" (17 %).

Bollivudun ulduzlarını bəyənənlər sorğuda 6 % səs toplayıb.

Latın Amerika serialları bəyənib izləyənlər isə 5%-dir. Sorğu 10-17 yanvar tarixlərində Bakı şəhərində 400 respondent arasında telefon vasitəsilə həyata keçirilib. Sorğu nəticələrinin yanlışlıq həddi maksimum 4.9 %-dir.

Mənbə:ACT Azerbaijan