"Twitter" parolunuzu təcili dəyişin-Sistemdə nasazlıq var


“Twitter”in parol saxlanma sistemində səhv aşkar edilib. Bu səbəbdən “Twitter” bütün istifadəçilərini sistemə giriş üçün parolları dəyişdirməyə səsləyib.

Azadpress.az xəbər verir ki, “Twitter”də öz hesabınız üçün parol yaradarkən şirkətimiz tərəfindən istifadə edilən texnologiyalar parolları elə maskalayır ki, şirkətin əməkdaşları onları görə bilməsinlər.

“Bu yaxınlarda məlum olub ki, parollar daxili jurnalda maskalanmamış şəkildə saxlanılıb. Biz səhvi aradan qaldırmışıq və araşdırmamız göstərir ki, parollara müdaxilə və ya qanunsuz istifadə üzrə heç bir əlamət qeydə alınmayıb”, - deyə şirkətin bəyanatda bildirilib.

Azadpress.az Qafqazİnfo


Saytdakı materiallardan istifadə edərkən istinad etmək vacibdir.