Türkiyənin müdafiə nazirinin müavini Şuay Alpay Azərbaycan Xalq Cümhuriyyətinin yaranmasının 100 illik yubileyi münasibətilə Gəncə şəhərində “Xalq Cümhuriyyətinin varisləriyik” devizi altında keçirilən tədbirdə çıxışı edib.

Azadpress.az xəbər verir ki, o ailəsi haqqında danışıb:

"Anamın atası Məhəmməd Qasım bəy 1918-ci ildə Azərbaycan Xalq Cümhuriyyəti hökumətinin üzvlərindən olub. 1920-ci ildə bolşeviklərin işğalı zamanı Gəncənin müdafiəsi məhz Məhəmməd Qasım bəyə tapşırılıb. Bolşeviklər Azərbaycanı işğal etdikdən sonra belə o, silahını yerə qoymayıb və dağlara çəkilərək 1932-ci ilədək bolşeviklərə qarşı mübarizə aparıb. Xalq arasında qaçaq Məhəmməd Qasım bəy kimi tanınan babam Sovet hakimiyyətinin təqiblərindən qurtulmaq üçün Türkiyəyə mühacirət edərək Elazığ şəhərində məskunlaşıb".

Report