Əli Həsənovun kürəkəni Azərbaycanı təcili tərk edib


Baş nazirin müavini Əli Həsənovun ötən ilin avqustunda Bakıda ağır yol qəzası törədən nəvəsi Nail Elman oğlu Allahverdiyevlə bağlı yeni faktlar üzə çıxıb.

Azadpress.az xəbər verir ki, hazırda həbsdə olan Nail Allahverdiyevin atası, iş adamı, Əli Həsənovun kürəkəni Elman Allahverdiyev Azərbaycandan gedib.

Hazırda Almaniyada yaşayan Elman Allahverdiyevin ailəsindən küsili qaldığı iddia olunur. Onun 2017-ci il avqustun 3-də paytaxtın Nərimanov rayonu ərazisində oğlu Nail Allahverdiyevə məxsus "Mersedes-Gelandawagen” markalı avtomobillə iki nəfərin ölümü və iki nəfərin müxtəlif dərəcəli bədən xəsarətləri alması ilə nəticələnən ağır yol-nəqliyyat hadisəsindən az sonra Azərbaycanı tərk etdiyi deyilir.

Qeyd edək ki, hazırda Abşeron rayonunun Novxanı qəsəbəsində Elman Allahverdiyevə məxsus olan bir neçə biznes obyekti də işini dayandırıb.Qaynarİnfo-ya istinadən


Saytdakı materiallardan istifadə edərkən istinad etmək vacibdir.