"Təqaüd bütün ali təhsil müəssisələrinə şamil ediləcək"


"Tələbə təqaüdlərinin artırılması üçün dövlət büdcəsindən ilkin hesablamalara görə 25 milyon manat əlavə vəsaitin ayrılması nəzərdə tutulub".

Azadpress.az xəbər verir ki, təhsil naziri Ceyhun Bayramov keçirdiyi brifinqdə belə deyib.

"Daha yüksək təqaüd almaq üçün can atmaq lazımdır. Əvvəlki illərlə müqayisədə rəqabətlilik mühiti bu gün də var. Bu gün artım nəticəsində akademik göstəriciləri yüksəl olan tələbələrin təqaüdü 130 manatdır. Təqaüd bütün ali təhsil müəssisələrinə şamil ediləcək",-deyə nazir bildirib.

Prezident İlham Əliyevin sərəncamına əsasən, 600-ə yaxın doktorantın və 110 mindən artıq tələbənin təqaüdləri orta hesabla 20 faiz artacaq. Dövlət hesabına maliyyələşən təqaüd yerlərinin sayının martın 1-dən 16 000 vahid artırılması və təqaüd alan tələbələrin sayının tələbələrin ümumi sayına olan nisbətinin hazırkı 31 faizdən 2019-2020-ci tədris ilində 45 faizə, 2020-2021-ci tədris ilindən başlayaraq isə 50 faizdən az olmayan səviyyəyə çatdırılması nəzərdə tutulur.


Saytdakı materiallardan istifadə edərkən istinad etmək vacibdir.