Belarusda seçkilər baş tutmuş hesab olunur


Bu gün Belarusda prezident seçkiləri ilə bağlı səsvermə keçirilir.


Azadpress.az xəbər verir ki, səhər 08:00-da açılan seçki məntəqələrində səs vermək üçün seçici siyahısına 6 milyon 844 min 932 nəfər daxil edilib. Ən çox seçici Minsk şəhərində (1 milyon 241 min 21 nəfər), ən az seçici isə Qrodnensk vilayətində (751 min 84 nəfər) qeydə alınıb. Eyni zamanda, xaricdə yaşayan 5319 Belarus vətəndaşı da seçici siyahısındadır.

MSK-nın yaydığı xəbərə görə, saat 12:00-a seçicilərin 54%-i səsvermədə iştirak edib.Seçicilərin yarıdan çoxu səsvermədə iştirak etdiyi halda, seçki baş tutmuş hesab edilir.

 

Belarus Mərkəzi Seçki Komissiyası hazırkı prezident Aleksandr Lukaşenkonun, sabiq deputat Anna Kanopatskayanın, “Belarus Sosial-Demokratik Qramada” Partiyasının sədri Sergey Çereçnyanın, “Düzünü danış” Birliyinin həmsədri Andrey Dimitriyevin və tutulan bloger Sergey Tixanovskinin həyat yoldaşı Svetlana Tixanovskayanın ali dövlət postuna namizədliyini qeydə alıb.

 Səsverməni 248 beynəlxalq və 50 minə yaxın yerli müşahidəçi izləyir. Xarici müşahidəçilər arasında Azərbaycan Milli Məclisinin deputatları da var. Azadpress.az

Saytdakı materiallardan istifadə edərkən istinad etmək vacibdir.