Qusarda hotellərdən birində 4 nəfərin ölümü ilə nəticələnən yanğın baş verib. “Qafqazinfo”ya istinadən, hadisə bu gün səhər saatlarında hotel ərazisindəki koteclərdən birində qeydə alınıb.Yanğın zamanı 4 nəfər - Babayev Emin, Babayev Rauf və Babayeva Zülfiyyə (bir ailənin üzvü) və Babaşov Rüstəm adlı şəxslər ölüb. Digər koteclərdə olan 6 nəfər isə xəsarət alıb. Polis əməkdaşlarının keçirdiyi təhlükəsizlik tədbirləri nəticəsində faciənin miqyasının genişlənməsinin qarşısı alınıb.Hadisə yerinə aidiyyəti dövlət qurumlarının əməkdaşları cəlb olunub.